رواية العاصفة (الحلقه الخامسة) بقلم : الشيماء محمد

بدرية اتدخلت أمل محدش يصدق أبدا في حقها لاي حاجة 
سميرة بتريقة مكانش ده كلامك من يومين .. 
سمر لأمل المهم إنك بخير اهو .. بس بابا قال في حد أنقذك وكان ھيموت .. هو بخير صح ! مش عايزة حد يجراله حاجة بذنبي 
سميرة بتريقة لا فيكى الخير يا اختي 
سميرة بتتنفس بالعافية وعايزة تقوم ټضرب سمر وأمها ومسيطرة علي نفسها بالعافية أما أمل فمستغربة سمر وتغييرها بالشكل ده ونفسها تفهم دماغها بتفكر ازاي ! 

سمر بصت لأمل مين هو اللي أنقذك تعرفيه 
أمل بدهشة أعرفه منين يعني ! 
سمر بخبث يعني أصل بابا قال إنه كان ھيموت علشان يدافع عنك فقلت يمكن تكوني عارفاه أصلا 
هنا سميرة وصلت لآخر صبرها وقامت مرة واحدة مسكتها من شعرها اللي يدوب حاطة عليه طرحة ولما دخلت نزلتها علي رقبتها سمر صړخت وسميرة جابتها في الأرض وبدرية بتحاول تخلص سمر بنتها من ايديها 
بدرية بتصرخ ھتموتي البت سيبيها يا ولية 
سميرة زقتها جامد وقعتها في الأرض ولولوا عليكي ساعة وسكتوا يا شيخة ماهي تربيتك تربية و....... .. 
فضلت ټضرب في سمر وتصرخ وأمل مش قادرة تقوم وطه جه علي الصويت بس لما لقى أمه بټضرب سمر مارضيش يتدخل وابتسم 
عبدالله جه جري وشاف بدرية في الأرض وسميرة ھتموت سمر في ايدها زق طه أنت بتتفرج 
عبدالله بيشد سميرة من فوق سمر وهي بتزعق سيبني أموتها الواطية اللي ما اتربتش .. خليني أربيها أنا 
عبدالله زعق خلاص يا سميرة عيب اللي بتعمليه ده 
بيحاول بيشد سميرة اللي مش عايزة تسيب شعر سمر من ايدها وكل ما يشدها
تشد شعرها زيادة وهي تصرخ 
عبدالله زعق بالله عليكي يا سميرة .. خلاص بقي .. قلت كفاية كده !
سميرة زقتها من ايدها وهي كلها غيظ وكره ونفسها بصت لسمر وبدرية وبتهديد هسكت المرة دي لكن قسما بالله لو بصيتي بس أنتي ولا أمك بنظرة ماعجبتنيش لبنتي لتشوفي مني وش عمرك ما شوفتيه وهعلمكم الأدب من أول و جديد .. غوري من بيتي واياك تعتبيه تاني 
عبدالله زعق سميرة عيب اللي بتعمليه وتقوليه ده 
سميرة پغضب هي دي اللغه اللي بيفهموها خلينا نكلمهم بيها لعل وعسى يفهموا .. 
بدرية پغضب بصت لسميرة بتوعد ماشي يا سميرة أنا جاية أعتذرلك وأنتي تبهدليني أنا وبنتي .. ماشي خليكي فاكراها .. وخلينا نشوف مين فينا هيقول اي 
سميرة زعقت برها بيتي 
بدرية شدت بنتها وخرجت وبتتوعد إنها هتنتقم لكرامتها اللي اتهانت هي وبنتها .. 
عبدالله لمراته ينفع اللي عملتيه ده ! 
سميرة پغضب لجوزها ده أنا كان نفسي أنتف شعر راسها شعرة شعرة بنت بدرية أنا مش عارفة أصلا انت ايه اللي دخلك هاا بصت لجوزها وقلبت خناق معاه خناقة ستات تتدخل أنت ليه وجاي توقفني ليه أنا بتدخل لو اتخانقت مع حد في الشارع هاا 
عبدالله كشړ لما الدفة اتقلبت عليه أنتي عايزاني أسكت يعني 
سميرة بزعيق أيوة تسكت طالما أخوك ومش هتعرف تجيب حق بنتك منه وهو غلبان يبقى تسيبني أنا أجيب حق بنتي وأشفي غليلي منها .. ايه اللي دخلك بينا أنا مش فاهمة .. 
عبدالله اتراجع حق بنتك محفوظ عند ربنا وهو حماها ورجعها بالسلامة والموضوع خلص 
سميرة پغضب لا امخلصش .. ولا هيخلص كده .. بنتي قدامي راقدة في السرير مش قادرة تتحرك وتقولي خلص ! ولا الواد اللي كان هيخسر حياته وتقولي خلص ولا الكلية اللي بنتك خسرتها وتقولي خلص ! خلص ازاي يعني واحنا لسه في وجعه ! والهانم جاية تاني تتهمها إنها تعرف كريم من قبل كده وجاية توسخ تاني وتقولي خلص ! 
عبدالله بدهشة هانم مين اللي اتهمتها تاني بدرية ! 
سميرة بغيظ لا سمر وأنت سيادتك حوشتني من عليها 
عبدالله اتنهد وعرف إنه خسران قدام ڠضب مراته اللي أول مرة يشوفها في الحالة دي ولازم ينسحب ويسيبها لحد ما تهدة فبصلها علي العموم هي برضه في بيتك ومن دخل بيتك جاب الحق عليك 
سميرة بإصرار ماشي أنا راضية يكون الحق عليا اخرج أنت منها بقى
عبدالله خارج سايبلك الأوضة كلها 
خرج وسابهم وأمل وطه في حالة ذهول تام لأنهم أول مرة يشوفوا أمهم بالشكل ده وأول مرة يعرفوا الجانب ده فيها ! 
بصتلهم ولاحظت نظراتهم فبغيظ مالكم انتوا كمان باصينلي كده ليه !
طه ابتسم أول مرة اعرف إن أمي فتوة كده 
سميرة كشرت فتوة ! والله ما ناقصاك
طه .. أنتي فين من زمان هااا ! أيوة كده .. والله براڤو عليكي يا مرمر أنتي أدبتيها صح .. كان هيجرالي حاجة لو ما أدبتش البت دي ! كنت هتنقط بجد 
سميرة مكشرة وعلشان كده وقفت تتفرج طيب علي الأقل امسك بدرية مش تسيبهم الاتنين عليا 
طه بتهريج والله يا مرمر أنا فعلا كنت جاي أمسكها بس أنتي رزعتيها بوكس طيرتيها لزقتيها في الباب فقلت اتفرج
ضحكوا وسميرة ڠصب عنها ضحكت هي كمان وقعدت جنب بنتها وقعدوا الثلاثة جنب بعض 
سميرة بهدوء اللي يقرب من عيالي أندغه بسناني .. كله إلا أنتوا الاتنين ..
طه بصلهم نسيت أقولكم صح غادة عايزة تيجي هي ومامتها الليلة يسلموا عليكي 
أمل كشرت بهزار بلاش الليلة أنا تعبانة واهي غادة خطيبتك مننا وعلينا مش هتزعل لما نعتذر 
طه بصلها بغيظ ونعتذر ليه يعني وليه بلاش الليلة أصلا ! ده أنتي رخمة 
سميرة ضحكت بالراحة شوية علي نفسك أختك بتهزر 
الاتنين ضحكوا وطه بصلهم بغيظ هزروا هزروا ده أنتوا رخمين صح 
سميرة خبطته في كتفه ما تتأدب يا واد أنت ! طيب فعلا بقي اعتذرلها الليلة أنا اللي مش فاضية 
طه بغيظ ليه بقى وراكي ايه حضرتك ! 
سميرة فكرت وبصتله ورايا تعبانة وعايزة أنام وأرتاح عندك مانع
طه كشړ وعرف إن السكة دي مش جايبة نتيجة فقرب من أمه
وباس كتفها مرمر حبيبي 
سميرة زقته بطل بكش ياواد وابعد ما لسة كنا رخمين 
هتيجي بعد المغرب هااا
سميرة مكشرة بهزار وهو وقف وبصلهم سامعيني هتيجي بعد المغرب هروح أقولها تيجي 
الاتنين ضحكوا عليه وأمل بحب ماشي يا عم أهلا بيها
عند كريم اللي قاعد منتظر ملك تيجي ومؤمن جنبه طيب فهمني منتظرين ايه ! مش قلت هتخرج النهاردة ! وخلصنا الأوراق ! يلا بقى 
كريم بص في ساعته وبص لمؤمن يلا بينا .. يلا نمشي 
ملك فضلت قاعدة متغاظة معظم الوقت ومستغربة ازاي كريم يهددها بالشكل ده وكل ده ليه أصلا ! ازاي إهتمامها زعله ! مش قادرة تفهم أصلا ! طيب هتروحله ولا لا ! 
وفي النهاية قررت تروح .. لازم تديه فرصة وتسمع منه.. لسه حكايتها ما خلصتش .. نزلت وأخذت تاكسي وطلعت جري علي المستشفى وطلعت جري لأوضته لأن هو قال آخره الساعة ٥ والساعة دلوقتي خمسة وثلث أكيد هيستنى شوية .. فتحت الأوضة بس اتفاجئت بالأوضة فاضية تماما وعرفت إنه ما انتظرش وسألت نفسها سؤال معندهاش إجابة له ! هل كريم كده نهى كل اللي بينهم 
ونكمل بكرة 
توقعاتكم 
بالنسبه لسؤالكم كلكم مين شريف ! شريف ده خطيب امل المنتظر بس اتكتب عن طريق الخطأ في اول حلقه
محمود ومش عارفه ازاي عدت علينا دي ! اسمه شريف يا بنات .. 
يتبع