رواية جمرية الصقر (الفصل التاسع 9) بقلم سلوى عوض

جمرية_الصقر 
بقلم_سلوى_عوض
بارت 10
زبيدة _ أمين عاوزاك بكرة تكلم الجاضي عشان نكتب كتاب عمار على جمريه. وكلم بتوع الكهربا يعلجوا الزينة. وادعي الناس وطلعنا عجل زيك من الزريبة عشان ندبحه. سيب المخروبة اللي في يدك واعمل اللي جلتلك عليه. اخلص جاتك الهم. وانت مالكش عازة كده.
أمين رفع نظره لها دون اكتراث

أمين _ عافية عليكي عجربه يا زبيدتي. كده كل حاجة بجية ملكنا.
زبيدة _ بزيداك كركرة عميتني 
امين _تعالي خديلك نفسين يا أم مخ ألماظ.
أمسكت خرطوم الشيشة منه وأخذت نفسا بشراهة أكثر منه وهي تنظر إليه بنظرة مليئة بالانتصار.
زبيدة _ عحبك يا محروج. وانت عتسمع كلامي.
عاد كل منهما إلى ما كان عليه ولكن في ذهن زبيدة كانت هناك خطط لا تخلو من المكر تسعى لتنفيذها بأي ثمن.
مع طلوع الصباح على نجع الصائغ كان طارق يتهيأ للسفر. وقف أمام باب البيت يودع أولاده بينما كان صقر بجواره.
طارق بحزن وهو ينظر لأولاده_ خلي بالك من الأولاد زي ما اتفقنا يا صقر.
صقر بثقة_ اتكل انت على الله ربنا معاك. والولاد في عنيا.
وفي هذه اللحظة ظهرت نجاه من داخل البيت تسير بخطوات سريعة وغاضبة.
نجاه بحدة_ على فين العزم يا طارج ومهمل عيالك حدانا
صقر محاولا تهدئتها_ بعدين يا أمي بعدين.
نجاه بإصرار_ طارج بجولك رايح فين أنا كلمت هيام العشية وجالتلي على المصېبة اللي انت عاملها. حرامي يا طارج! سرجت الشغل اللي بتاكل عيش منيه
الأولاد كانوا يسمعون الحوار من بعيد وياسين لم يستطع تمالك نفسه.
ياسين بصوت مرتفع_ لا بابا مش حرامي!
نجاه پغضب_ اخرس انت! أبوك حرامي والحكومة بتدور عليه. وانت يا صجر بليتنا بيه. اسمع يا طارج طلج بتي. بتي مش هتبجى على ذمة حرامي وسراج زيك. طلجها أحسن ما تخلعك واتنازل عن ولادنا ولا عايزهم يطلعوا زيك
صقر بتحذير_ أمي كلمة تانية وههملك البلد بحالها وأمشي.
نجاه ترد بحدة_ عتزعجلي يا صجر عشان الحرامي ديتي
وهنا اقتربت حور الصغيرة تمسك بطرف ثوب جدتها وقالت بنبرة بريئة_
حور_ حلام عليكي يا تيته بابا طيب واحنا بنحبه.
يزن پغضب طفولي_ احنا مش بنحبك عشان بتزعلي بابا!
طارق انحنى قليلا ليمسح على رأس ولديه محاولا تهدئتهما.
طارق بهدوء_ عيب يا حبايبي. تيته بتضحك معايا مش كده يا خالتي
نظرت له نجاه پغضب مكتوم فيما حاول صقر تغيير الأجواء.
صقر مبتسما_ احنا بنهزر صح يا ياسين
ياسين_ طيب بابا رايح فين
صقر_ بابا رايح يشوف الشغل وجاي بسرعة.
ثم أمسك صقر بذراع طارق وقال بصوت منخفض_
صقر_ ياله يا طارج كده هتتأخر.
غادر طارق النجع قلبه مثقل بالهموم لكن عيناه تلمعان بالثقة. فهو يعلم أن صقر راجل يعتمد عليه وأن أولاده في أيد أمينة.
في نجع الصياد
عمار_ مرت أبوي هاتي الفلوسات عشان أخد بتك وأجيبلها شويه حاجات.
زبيدة_ ماشي بس عاودو بدري عشان الجاضي جاي وهنكتب الكتاب بعد