رواية ظننته حبًا الفصل الثاني والعشرون 22 "الأخير" بقلم سحر السحرتي

كل الضمانات اللي انت عايزاها 
ما فيش ضمانات للمشاعر والحب 
اكيد في حاجه اعملها تكفر عن الذنب ده فكري كويس يا جودي 
المشكله اني فكرت كثير وما قدرتش 
طب جوري بنتنا ذنبها ايه اني غلطت تتعاقب انها تتحرم من حضڼي
اكيد مش هحرمها منك بس الفتره اللي فاتت حاولت اكلمك ما قدرتش .... بس كنت اكيد هعرفك ولقيت خطوبه فريد فرصه لما عرفت انك نازل
انا مش بلومك على اي حاجه عملتيها انا استاهل كده واكثر بس ارجوك كفايه بعد
هفكر يا جواد 
طب انا هطلع اغير هدومي واعرف ماما على جوري ونتكلم ثاني او نخرج مع بعض
خليها بالليل سيلا جايه كمان شويه عشان عايزاني ضروري 
بعد مده حضرت سيلا ودخلت الغرفه و اغلقت الباب وبدات في البكاء
انت كويسه يا سيلا حصل حاجه مع باسل فريد موجود يظبطه 
لا يا جودي ماما قبل ما ټموت طلبت مني اعتذر لك عشان تسامحيها و تسامحيني احنا غلطنا في حقك غلطه كبيره قوي .... بس انت طيبه وقلبك كبير ارجوك سامحينا 
هي ايه حكايه السماح النهارده طب اهدي و احكي عملتوا ايه 
قبل ما احكي لازم تعرفي ان ماما زي اي ست الڼار قادت فيها لما بابا اتجوز عليها واحده ثانيه و اهملها ودي اكتر حاجه بتقتل الست و بتعذبها
فاهمه يا سيلا عشان كده ما رضيتش اكرر نفس الكلام مع جواد لما كان متجوز جينا و بعدت عنه لما هو اللي نهى موضوعه معاها وكمان بعدها بفتره عشان ما بقاش السبب 
اسمعي اللي حصل
بقلمي سحر السحرتي 
بعد ان قصت عليها الخطه القذره التي تم تنفيذها ببراعه صمتت جودي تنظر بحزن لسيلا 
ردي عليا بلاش تسكتي كده ربنا انتقم لك من ماما و جالها المړض اللي مۏتها وانا مش عارفه احس بالامومه سامحيني عشان ربنا يغفر لي
انا مش قادره اصدق انك و مامتك السبب ان باسل كان كل شويه يضربني علقھ مۏت وشعور الذل و الاهانه .... غير كلام ونظرات الناس ليا بعد ما اتطلقت بعد شهر واحد من الجواز.... انتم ايه مش بني ادمين ..... عارفه لما حد بيفكر يتقدم لي ويعرف اني مطلقه بعد شهر كان بيهرب مش بيمشي 
امسكتها من ذراعها وبدات ترجها وعلا صوتها 
يا رب تكونوا استريحتوا و حققتوا انتقامكم وانتم شايفيني بتهان من حماتي كل شويه .... غير الكلام اللي طلعوا عليا باسل عشان ما حدش يعرف انه كان عاجز ومش قادر يتجوزني ..... واللي عمله فيا بعدها اخوه انت عارفه انا اتظلمت قد ايه و اتمرمطت ازاي وجيتي بعدها تعملي اختي وحبيبتي وانزل معاكي اشتري جهازك انتم ازاي بالقسۏه دي .... انا جيت على نفسي كثير عشانك كنت بحسبك اختي ما قصرتش معاكي ..... عشان كده رفضتي فلوس باسل 
دخل جواد على صوت جودي
في ايه مال صوتك عالي كده 
ارتمت داخل حضنه فاستقبلها وقام باحتوائها ولكنها فقدت الوعي عندما استرجعت كم الظلم الذي تعرضت له نتيجه الخطه التي نفذت عليها 
جودي حبيبتي فوقي انت عملتي ايه فيها قلت لها ايه 
حملها جواد سريعا وذهب بها الى المستشفى وذهبت سيلا معه لكن مها بقيت في المنزل للاعتناء بجوري اما عن فريد وفهمي فكانوا في العمل
امسك جواد سيلا من ذراعها 
لازم اعرف عملت ايه فيها عشان نعرف نلحقها
قصت عليه ما فعلته 
بس ارجوك بلاش حد يعرف هيقطعوني وهبقى لوحدي ومش هقدر اعيش كفايه اڼتقام ربنا
وما سبتوش اڼتقام ربنا من عمي ومراته ليه هو اللي يجيب لكم حقكم لو لكم حق عمي هو